þriðjudagur, 11. ágúst 2009

Ef ég ætti endalausan pening og hefði óendanlegt pláss...

... þá myndi ég kaupa eitthvað af þessu, ef ekki allt.

Vefjur:

Handa SF:
  • Dúkku í hentugri stærð, sem passar í dúkkuvagninn hennar og sem er ekki of lin
  • Dúkkurúm úr tré
  • Sling, vefju og/eða MeiTai sem hún getur borið dúkkurnar og bangsana sína í
  • Litabækur
Handa litla barninu:

mánudagur, 10. ágúst 2009

fimmtudagur, 25. september 2008

Á leikskóla er gaman

Í dag er annar dagur SF í leikskóla. Við fórum í morgun og ég skildi hana eftir þegar þau voru búin að fá morgunmat. Fullt af nýju dóti að skoða og greinilegt að henni líður vel, þó hún vilji auðvitað helst hafa mömmuna sína hjá sér. Á morgun er lokað á leikskólanum, og því gott að hafa dagmömmuna til að taka við búbbanum. Ætlum að hafa það rólegt heima í kvöld, og um helgina þarf að merkja öll fötin og helst prjóna eins og eitt par af ullarsokkum til að hafa í leikskólanum.

mánudagur, 22. september 2008

Lúðrasveit Verkalýðsins


Tók þessa mynd á æfingu í dag. Gamla lógó LV speglast í básúnuklukkunni. Bjútifúl brass!

laugardagur, 20. september 2008

Ýta mér!


Fórum í dag og mátuðum nýja leikskólann. Hann stendur í miklum halla og þeirri stuttu leist vel á þetta allt saman, mikið að skoða. Foreldrarnir fara að skoða fullorðna fólkið í vikunni. Spennó..

þriðjudagur, 2. september 2008

Kærar þakkir!!

Við hjónin sitjum hér og erum alveg orðlaus...
Ætlum samt að reyna að koma orðum að því hvernig okkur líður, og vonum að einhver sé að fylgjast með þessu bloggi.
Fyrst af öllu viljum við þakka okkar nánustu fyrir alveg yndislega veislu, þessi dagur rennur seint úr minni, og það var æðislegt að fá að deila þessu öllu með ykkur. Takk fyrir:)
Við vorum að ljúka við að opna allar gjafirnar, og við bara urðum að koma smá þakklætislínu út í alheiminn. Það sem stendur uppúr eru allar hamingjuóskirnar sem þið skrifuðuð í kortin, við tárfelldum alveg í kross á köflum. Þið eruð greinilega mjög sammála um hvað okkur hefur vantað í búið, því uppúr kössunum komu hvorki meira né minna en þrettán stórar skálar (ávaxta/salat-skálar) (fjörutíu og tvær ef við teljum súpuskálar og aðrar minni skálar með). Svo ekki taka því illa ef við skiptum einhverjum skálum út fyrir kaffibolla eða tvo, þar sem við fengum enga svoleiðis.
Annars erum við eiginlega bara búin að vera eins og dáleidd síðan á laugardaginn, alveg yfir okkur ánægð með þetta allt. Ég held að Krissi sé búinn að fyrirgefa hótelinu fyrir að hafa ekki hengt upp fína borðaplanið sem hann var búinn að teikna í AutoCAD. Veðurguðunum er allavega fyrirgefin rigning daganna fyrir helgi úr því það stytti upp tímanlega fyrir rúntinn í Corvettunni:) Svo erum við mjög þakklát fyrir öll skemmtiatriðin og ræðurnar í veislunni, þetta var svo yndislegt.
Við vonumst til að fá tækifæri til að þakka ykkur sem flestum persónulega á næstu dögum, þið eruð öll velkomin í heimsókn hvenær sem er, en kaffið verður að drekka úr ósamstæðum bollum;)

Ps. Ef einhver veit hvað varð af brúðarslörinu mínu væri gott að vita um örlög þess, ég skil ekkert hvað hefur orðið af því...
Pps. Endilega kvittið fyrir innlitinu, það hefur enginn gert lengi, og mig langar að vita hvort einhver er að lesa.

laugardagur, 30. ágúst 2008

laugardagur, 23. ágúst 2008

miðvikudagur, 13. ágúst 2008

Afsakið hlé

Sæl öll. Vildi láta heyra í mér hérna inni. Er margoft búin að semja bloggfærslur á gemsann sem ekki hafa farið í gegn þegar ég hef reynt að senda þær. Mjög spælandi, það er nú ekki svo þjált að skrifa á gsm-síma...
Skrudda litla er búin að vera í aðlögun hjá dagmömmu og það gengur alveg rosalega vel. Dagmamman er algjör draumur, og er með mjög fína aðstöðu fyrir krakkana. SF fær hollann mat hjá henni, hafragraut á morgnanna og fisk, slátur, lasagne, grjónagraut eða álíka í hádeginu. Hinir krakkarnir eru líka mjög fínir, þó þau hafi nú mismikið vit á að vera eitthvað að leika hvort við annað, þessir gormar. Sandkassinn úti í garði hefur gert mikla lukku, og eins er nóg af dóti til að skoða.
Brúðkaupsundirbúningurinn gengur alveg ágætlega. Þó enn eigi eftir að gera ýmislegt erum við á ágætis róli tímalega séð, svo það er engin ástæða til að vera óhóflega stressaður yfir neinu. Aukahendur eru þó alltaf vel þegnar.
Læt þetta duga í bili, og vona að það lagist með bloggið úr gemsanum. Þá get ég sett inn myndir af heimaföndraða eldhúsinu hennar SF:)

Bestu kveðjur úr Furugrund.

föstudagur, 1. ágúst 2008

Nauthólsvík ...aftur


Eftir að við létum loksins verða af því að festa barnasætið á hjólið fórum við í smá hjólaferð til að setja loft í dekkin. Gátum ekki stoppað og hjóluðum hálfa leið í kringum flugvöllinn og komum við í Nauthólsvíkinni á leiðinni heim. "Aðeins" færri þar en síðast, svo sú stutta naut sín enn betur.

fimmtudagur, 31. júlí 2008

Í sól og sumaryl


Það fór víst ekki framhjá neinum að veðrið í gær var gott. Mamman hafði ekki samvisku til að taka sér sólarfrí fyrr en netið datt út.. Þá drifum við okkur niður í Nauthólsvík eins og svo margir, og hittum þar Álfheimabræður (Hallgrímur á myndinni). Frábær upplifun að fá svona veðurblíðu hingað á klakann!

mánudagur, 28. júlí 2008

Mávarnir á Tjörninni


Hittum Sollu og Vilborgu í bænum um daginn og ætluðum að gefa öndunum brauð í ró og næði. Lentum í mávageri og látum, við mömmurnar urðum hálf hlessa yfir áganginum. Það skemmdi samt ekki fyrir því hversu gaman var að hitta mæðgurnar:-)

sunnudagur, 27. júlí 2008

Garden party



Garden party


Heimsóttum Kára og fjölskyldu í góðviðri um daginn, og þau frændsystkinin undu sér vel og lengi í litla húsinu í garðinum. Yndislegt að sjá þau vitkast í stereó.

fimmtudagur, 10. júlí 2008

laugardagur, 5. júlí 2008

Sögustund


Þó að flestar frænkur séu mjög fínar, þá eru til alveg sérstaklega þolinmóðar og góðar frænkur. Það eru sparifrænkur. Þær passa mann og leyfa manni að leika með Tígra sinn, eiga alltaf til knús handa manni og lesa bókina tvisvar ef maður biður fallega. Svo fara þær með manni í sund, og eiga mysing. Sparifrænkur þarf samt ekki að spara, sem betur fer.

fimmtudagur, 3. júlí 2008

Hann á afmæl'í dag


Til hamingju með afmælið, afi. Sú stutta er alveg með það á hreinu að þú ert í flugvélinni, vonum að það sé allt í lagi að halda upp á afmælið þar. Knús frá okkur öllum.

mánudagur, 30. júní 2008

Þurrkatíð


Vissara að vökva blómin hjá Öldu frænku..

þriðjudagur, 17. júní 2008

Hæ hó jibbí jei og jibbí jei...


...það er kominn 17. júní! Gleðilega þjóðhátíð allir saman!
Erum búin að vera í bænum eftir hádegið, mamman marseraði með Lúðrasveit Verkalýðsins frá Hagatorgi niður í Hljómskálagarð þaðan sem við röltum um bæinn og sáum meðal annars Leif breika á Austurvelli. Urðum fyrir hefðbundnum gasblöðruvonbrigðum, en það eyðilagði ekki góðu stemninguna í kvöldmatnum, þar sem við grilluðum með móðurfjölskyldu SF.
Vonum að allir hafi átt góðann dag:)

mánudagur, 16. júní 2008

Í vinnunni


Get ég aðstoðað?
Sú stutta fékk að koma með mömmu sinni í vinnuna í dag, og hafði mjög gaman að því. Um morguninn var hún mjög dugleg að hjálpa mömmu sinni að henda miðum í ruslið, en eftir hádegið var mest hjálp í henni sofandi úi í vagni... Hún sefur greinilega vel hérna í Grafarvoginum, því ég endaði á að vekja hana. Í lok dagsins hafði hún lært að segja "Anna" og "kex" (deh).